Pedro Murias
Pedro Murias Rodríguez, nado na Devesa, Ribadeo, en 1840 e finado na Habana en 1906, foi un indiano e filántropo de orixe galega.
Emigra a Cuba sendo aínda un rapaz e alí dedicarase a distintos negocios, mais principalmente á industria tabaqueira. Creou varias marcas de cigarros e aparece entre as marcas máis vendidas de puros habanos en listados de 1904. Importante financeiramente, contribuíu á sociedade 'Naturais de Galicia', fundada na Habana como sostén da emigración.

Tras enriquecerse como tabaqueiro en Cuba, no seu testamento destinou a maioría das súas riquezas á súa parroquia natal. A máis destacada será a construción unha escola agrícola, que se xestionou por unha fundación e quedou localizada na parroquia de Vilaframil.